கீழ்நமண்டி கற்பதுக்கை -Cist (NEGANUR )

கற்பதுக்கை -Cist

 

கற்பதுக்கை ஒரு பெருங்கற்கால ஈமச்சின்னம் ஆகும். கற்பதுக்கை தென்னிந்தியாவின் எல்லாப் பகுதிகளிலும் காணப்படுகின்றது. இறந்தவர்களைப் புதைத்த இடத்திலோ அல்லது அவரது எலும்புகளைத் புதைத்த இடத்திலோ பெரிய கற்களைக் கொண்டு எடுக்கப்பட்ட ஈமச்சின்னங்கள் பெருங்கல் சின்னங்கள் என்று கூறுகிறார்கள் இவை அமைக்கப்படும் முறையைய் வைத்து

• கற்க்குவை
• கடற்படை வட்டம்
• கற்பதுக்கை
• கல்திட்டை
• குத்துக்கள்

வட்டத்துடன் கூடிய படுக்கை என பல வகைகளில் அமைத்துள்ளனர்

தொல்பொருட்கள்

இறந்தவர்களின் உடல்பகுதிகள் (எலும்புகள், பற்கள்), அவர்களுக்காக வைக்கப்பட்ட பானைகள், இரும்புப் பொருட்கள் (கத்தி, வாள், ஈட்டி முனை போன்றவை), கல் மணிகள், வெண்கலப்பொருட்கள், சில நேரங்களில், நெல் போன்ற தானியங்களும் இவற்றின் உள்ளே பானைகளில் காணப்படும்..

சங்ககாலப் பதுக்கைகள்

சங்கத்தமிழ் ஆக்கங்களான அகநானூறு, புறநானூறு, ஐங்குறுநூறு போன்றவற்றில் அக்காலத்துப் பதுக்கைகள் குறித்த குறிப்புக்கள் உள்ளன. அக்காலத்தில் பாலை நிலத்தின் வழியே செல்லும் வழிப்போக்கர்களைக் கொன்று பொருள் பறிக்கும் மறவர்கள், அவ்வாறு கொல்லப்பட்டோரின் உடல்களின் மீது தழைகளைப் போட்டு மூடிக் கற்களையும் குவித்து மேடு செய்து வைப்பர்.பாலை நிலத்தினூடு செல்லும் பாதைகளின் மருங்கில் காணப்படும் இவ்வாறான பதுக்கைகளின் அச்சம் ஊட்டும் வருணனைகளைச் சங்கப் பாடல்கள் தருகின்றன. நரிகள் போன்ற காட்டு விலங்குகள் சிதைக்காமல் இருப்பதற்காகவும், பிணங்கள் எழுந்துவரக்கூடும் என்ற நம்பிக்கையினால், அவ்வாறு நடப்பதைத் தவிர்ப்பதற்குமாகவே தொடக்க காலங்களில் பிணங்களையோ, அவை புதைக்கப்பட்ட இடங்களையோ கற்கள் போட்டு மூடினர் என்கின்றனர்

சங்ககாலத்து நினைவுக் கற்கள் பற்றி ஆராய்ந்த கிருஷ்ணமூர்த்தி, அக்காலத்தில் நினைவுக் கற்களின் வளர்ச்சியினை 4 கட்டங்களாகப் பார்க்கலாம் என்கிறார். இவற்றில் முதற்கட்டம் கிமு 8 ஆம் நூற்றாண்டு முதல் கிமு மூன்றாம் நூற்றாண்டு வரை என்றும், இரண்டாம் கட்டம் கிமு 3 ஆம் நூற்றாண்டு முதல் கிபி முதலாம் நூற்றாண்டு வரை என்றும், மூன்றாம் கட்டம் கிபி முதல் நூற்றாண்டிலிருந்து கிபி 4 ஆம் நூற்றாண்டு வரை என்றும் இதற்குப் பிந்திய காலத்தை நான்காம் கட்டமாகவும் அவர் பிரித்துள்ளார் இக்கால கட்டங்களினூடாகப் பல்வேறு வகையான நினைவுச் சின்னங்களுடன் கற்பதுக்கைகளும் வளர்ச்சியடைந்து வந்தன. காட்டு விலங்குகளிடம் இருந்து பாதுகாப்பதற்காகப் பிணங்களைக் கற்களால் மூடிய ஒரு நிலையில் இருந்து, சடங்குகளோடு கூடிய நினைவுச் சின்ன அமைப்புமுறை வளர்ச்சியடைந்ததை இலக்கியங்கள் காட்டுகின்றன. நடுகல் எடுப்பது குறித்து, காட்சி, கால்கோள், நீர்ப்படை, நடுதல், பெரும்படை, வாழ்த்தல் என்னும் ஆறு நிலைகள் தொல்காப்பியத்தில் குறிப்பிடப்படுகின்றன. இங்கே நடுகல் என்பது தற்காலத்தில் நடுகல் என்று புரிந்து கொள்ளப்படுவதை விட, கற்பதுக்கையை உள்ளடக்கிய பிற நினைவுக் கற்களுக்கே பொருந்தும் எனப்படுகிறது.

தென்னிந்தியக் கற்பதுக்கைகள்

தென்னிந்தியாவில் தொல்லியல் ஆய்வுகள் மூலம் பல கற்பதுக்கைகள் கண்டறியப்பட்டுள்ளன. இடுதுளைகளுடன் கூடிய கற்பதுக்கைகள், கற்குவையுடன் கூடிய கற்பதுக்கைகள் எனப் பல்வேறு வகைகளில் இவ்வாறான கற்பதுக்கைகள் உள்ளன.

கற்பதுக்கைகள் வடிவமைப்புக்கு ஏற்பச் செதுக்கிய கற்களினால் அமைக்கப்பட்டவை. இதனால், கருங்கல்லைப் பயன்படுத்தாமல், செதுக்குவதற்கு இலகுவான செம்புரைக்கல்லைப் பயன்படுத்தியுள்ளதைக் காண முடிகிறது. இவ்வகைக் கற்கள் கிடைக்கக்கூடிய இடங்களில் இவ்வகையான கற்பதுக்கைகள் கூடுதலாகக் காணப்படுவதாகத் தெரிகிறது. இவ்வாறான கற்பலகைகளைச் சுவசுத்திக்க வடிவில் அமையும்படி நிறுத்திச் சுவர்கள் அமைக்கப்பட்டுள்ளன. இந்த அமைப்பு கற்கள் உட்புறமாகச் சரிந்து விழுந்துவிடாமல் இருக்க உதவுகிறது. இது மேலே ஒரு பலகைக் கல்லை வைத்து மூடப்படுகிறது

ஆதி ~கடவுள் ஒன்றே..

அந்த ஒன்றும் #நடுகல் என கூறுகின்றது புறநானூறு பாடல் 335.

~கற்குவைகளால் மூடப்பட்ட நடுகல் #கற்பதுக்கை" என்னும் பெயரில் அழைக்கப்பட்டது. தமிழகத்தில் பல இடங்களில் காணப்படுகிறது.

#கற்திட்டை எனப்படுவது பெரிய கற்களால் #புகைப்படத்தில் அமைக்கப்பட்டிருக்கும் குடில் போன்ற அமைப்பு.

மரணம் அடைந்த கர்ப்பிணி பெண்களின் நினைவாக அமைக்கப்பட்டது #சுமைதாங்கி கல். விழுப்புரம் மாவட்டம் தோண்டூர் அடுத்த பூதேரி கிராமம்

 

இந்த உலகம் தோன்றி 500 கோடி ஆண்டு ஆகிறதென்று. மனித இனம் உருவாகி இரண்டரை லட்சம் ஆண்டுகள் ஆகிறதாம், ஆனால் வரலாற்றுக் காலம் என்பது மூவாயிரம் ஆண்டுகள் மட்டுமே. இந்த வரலாற்று காலமான மூவாயிரம் ஆண்டுகளும் தொடர்ச்சியான வாழ்வியலுக்கான தடயங்கள் உள்ள ஒரே இனம் தமிழினமே, ஒரே நிலம் இத்தமிழ் நிலமே. #சிந்துவெளி தொடங்கி #கீழடி வரைக்குமான அகலாய்வுகளை மையமாகக்கொண்டு இந்திய வரலாற்றை மீளாய்வுக்குட்படுத்துவதோடு புதிய சான்றாதாரங்கள் கொண்டு தமிழர்தம் வரலாற்றுப் போக்குகளின் உண்மைத்தன்மையை நாம் உணர்ந்து கொள்வதோடு உலகறிய உறுதிப்படுத்திக் கொள்ளவேண்டும் இது காலத்தின் தேவை.

#உறங்கு_வதுபோலும்_சாக்காடு உறங்கி

விழிப்பது போலும் பிறப்பு - குறள்

அவன் அவள் அதுஎனும் அவைமூ வினைமையின்

தோற்றிய திதியே ஒடுங்கி மலத்து உளதாம்

#அந்தம்_ஆதி என்மனார் புலவர்.

- சிவஞானபோதம்.

தமிழனின் மெய்யியல் கோட்பாட்டை மதம் கடந்து பேசிய திருவள்ளுவரும் உறங்குவது போலும் சாக்காடு என்று இறப்பை முன்வைத்தார் சைவ சமயத்தில் கோட்பாடுகளை விரித்து பேசவந்த மெய்கண்டாரும் இறப்பை முன்வைத்து அந்தம் என்றும் பிறப்பை அதற்குப்பின் வைத்து ஆதி என்றார். இதன் பொருள் "பிறப்பொக்கும் எல்லா உயிர்க்கும்" என்பதுபோல் பிறக்கும்போது எல்லோரும் சமமாக பிறக்கிறார்கள் அவர்கள் இறக்கும் போது தான் அவர்களுக்கான புகழையும், உயர்வையும் அடைகிறார்கள் என்பதனாலேயே இறப்பை முன்வைத்து பிறப்பை பின் வைத்தார்கள் நம் பெரியோர்கள்.

சிலை ஏறட்ட கணை வீழ் வம்பலர்

உயர் பதுக்கு இவர்ந்த ததர் கொடி அதிரல்

நெடு நிலை நடுகல்... (புறம் 289)

இத்தகைய புகழ்பெற்ற பெரும் மன்னனான சோழன் குளமுற்றத்துத் துஞ்சிய கிள்ளிவளவனைப் புதைப்பதற்கே #ஐயூர்_முடவனார் என்ற புலவன் "கலம்செய் கோவே கலம்செய் கோவே" என்று பாடினான். அந்த மண் கலத்தில் வைத்து புதைத்த பின் பெரும் பெரும் பாறைகள் வரிசையாக மண் கலத்தைச் சுற்றி நடப்படும் இப்படி பாறைகள் வரிசையாக நிற்பதை #குத்துக்கல்_வரிசைகள் என்கிறார்கள் இதைத்தான் சங்க இலக்கியம் #நெடு_நிலை_நடுகல் என்கிறது. உலகின் பல்வேறு இடங்களில் இத்தகைய குத்துக்கள் வரிசைகள் கண்டறியப்பட்டுள்ளது என்றாலும் இறந்தவரை மண் கலத்தில் வைக்கும் வழக்கு தமிழர்களுக்கே உரியது அதை பற்றி தான் இங்கு பார்க்க இருக்கிறோம்.

#நடுகல்_வழிபாடு.

தமிழனின் மெய்யியல் கோட்பாடு, இறைவணக்கம், கடவுள் வழிபாடு என்பதெல்லாம் இந்த நடுகல் வழிபாட்டிலிருந்தே தொடங்குகிறது அந்நிலையில் மதமில்லை, சாதியில்லை உயர்ந்தோர் தாழ்ந்தோர் என்ற உணர்வு இல்லை "யாதும் ஊரே யாவரும் கேளிர்" என்ற உயர் நெறியே ஓங்கியிருந்த காலம் வைகை ஆற்றங்கரையில் அமைந்த புலிமான்கோம்பை, தாதப்பட்டி ஆகிய இரண்டு ஊர்களில் சங்ககாலத் தமிழ் பிராமிக் கல்வெட்டுள்ள நடுகற்கள் 4 கண்டுபிடிக்கப்பட்டுள்ளன. இவை பொது ஆண்டுக்கு முன் 440 என்று கணக்கிடப்பட்டுள்ளது பல அரும் செயல்கள் செய்த வீரர்களுக்கு வைக்கப்படுவதே இந்த நடுகல் அவ்வீரனின் குடும்பத்தாரும், அவ்வூர் மக்களும் வீரனின் வீரத்தை போற்றுமாறு அந்நடுகல்லை வழிபடுவது தொன்று தொட்டு நிலவி வரும் மரபாகும் இந்நடுகல் பலவகையான தியாக சீலர்களுக்கும், வீர மரபினருக்கும் வைக்கப்படுவதாகும், ஆநிரை கவர்தல், ஆநிரை மீட்டல், #ஊரைக்_காத்தோர், #போரில்_உயிர்_நீத்தோர், #தூங்குதலை_கொடுத்தோர், என்றும் #புலிக்குத்தி_நடுகற்கள், #சதி_கற்கள் என்றும் இந்த நடுகல் வழிபாட்டின் வகைகளின் தொகை அதிகம் அவ்வளவு ஏன் முகையூர் என்ற ஊரின் மேலச்சேரி, கீழச்சேரி என்ற இடங்களில் நடந்த சேவல் சண்டையில் உயிரிழந்த #பொற்கொற்றி என்ற செல்ல பெயர் உடைய சேவல்களின் நடுகற்களும் உண்டு இதற்கு #வீரச்சேவல்_நடுகற்கள் என்று பெயர். இந்நடுகற்களுக்கான சடங்குகள் செய்தல், இறை வழிபாடுகள் செய்தல் ஆகியவற்றை பாணர்கள், குயவர்கள் மற்ற பிற குடிகளும் செய்து வந்தனர் இக்காலகட்டத்தில் ஆரியர்களின் பூசைகளோ, சமக்கிருத மந்திரங்களோ தமிழகத்தில் இல்லாத காலம் நிறுவனமயமாக்கப்பட்ட பெருங்கோவில்கள் வந்த பின்புதான் பிராமண ஆதிக்கமும், சமக்கிருத மந்திரமும் கோலோச்சத் தொடங்கியது.

எங்கே வரலாறு அமைதியாக இருக்கிறதோ அங்கே இடப் பெயர்களும், ஊர் பெயர்களும், மக்களின் வழக்காறுகளும் வாய் திறந்து பேச தொடங்கிவிடும்

#முதுமக்கள்_தாழி.

மண்ணுக்கடியில் வைப்பதற்கு முன்பாக அதன் உருவத்திற்கு ஏற்றவாறு ஓர் ஆழமான குழியை தோன்றிய பின்னர் தாழியை உள்ளே வைத்து அதன் பின்னர் குளியின் அரைப்பாகத்திற்கு கீழேதாழியை சுற்றிலும் ஈமப் பொருள்கள், இறந்தவர்கள் பயன்படுத்திய பொருள்கள், அணிமணிகள், கருவிகள், இன்னும் சில இதர பொருள்களை வைத்து பின்பாக தாழி வெளியே தெரியாமல் மண்ணால் மூடிவிடுவார்கள் இதைத்தான் முதுமக்கள் தாழி என்கின்றனர். இதன் மேலே மண்ணை குவியலாகக் குவித்து வைப்பதை #மண்குவைப்_புதைமேடு என்பர். இதையே மண் குவியலுக்குப் பதிலாகச் சல்லிக் கற்களை குவித்து வைத்தால் இதனை #கற்குவைப்_புதைமேடு என்பர். இப் பெரியோர்களை புதைத்த இடத்தில் அவற்றை கற்பாறைகள் கொண்டு மூடி வைத்து பாதுகாக்கும் வழக்கம் தமிழர்களிடையே இருந்துள்ளது மூடப்படும் கல்லின் அளவு, மூடப்பட்ட விதம் ஆகியவற்றைக் கொண்டு இவற்றை #நெடுங்கல், #தொப்பிகல், #குடைகல், #கல்படை, #கல்_அறை, #கல்குவை, #கற்கிடை, #கல்வட்டம் #கல்திட்டை என்ற பெயர்களால் அழைகின்றனர் ஒருவகையில் இறந்தோர் உடலைப் பதுக்கி, மறைத்து, புதைத்து வைத்தால் இவற்றை #பதுக்கைகள் என்று பொதுப் பெயரால் சூட்டினர் கல்லால் பதுக்கப்பட்டதால் #கற்பதுக்கை என்றனர். இவையாவும் வரலாற்றுக்கு முற்பட்ட பெருங்கற்காலப் பண்பாட்டின் காலமான பொ.ஆ.மு.2800 தொடக்கம் பொ.ஆ.மு. 500 வரையாகும். இப்புதை மேடுகள் பெரும்பாலும் நீர் நிலைகளை ஒட்டிய நிலப்பரப்பில் அமைக்கப்பட்டிருக்கின்றன ஆற்றுப்படுகைகள், கம்மாய் ஓரங்கள், ஓடை மருங்குகள், என நீர் நிலைகளை ஒட்டியே தாழிகள் புதைக்கப்பட்டுள்ளன வரலாற்றுத் தொடக்க காலத்திற்கு முன்பாக தமிழர்கள் சடங்குகளில் நீர் வழிபாட்டையே அதிகம் செய்தனர் என்பதன் உட்குறிப்பாகும்.

ஒன்னாத் தெவ்வர் முன்னின்று விலங்கி

ஒளிறேந்து மருப்பில் களிறுஎறிந்து வீழ்ந்தெனக்

கல்லே பரவின் அல்லது

நெல்உகுத்துப் பரவும் கடவுளும் இலவே' (புறம் 335)

• ~நடுகல் நாட்டுப்புற முறையாகவும் #பள்ளிப்படைகோயில் அரசுபாணியாகவும் கருதப்பட்டது.
• 
  
• ~இந்தியாவில் இதுவரை கண்டுபிடிக்கப்பட்ட நடுகற்களில் மிகப் பழமையானது #புலிமான்கோம்பை நடுகல்
• 
  
• ~முக்கோண வடிவத்தில் ஐந்து வரிகளில் #தமிழி எழுத்து வடிவத்தை கொண்டுள்ளது #பொற்பனைக்கோட்டை நடுகல்.
• 
  
• ~பல்லவர் காலத்தின் மிகப் பழமையான நடுகல் என அறிஞரால் அறியப்படுவது #இருளப்பட்டி (பாப்பம்பாடி) நடுகல்.
• 
  
• ~யானையுடன் நடக்கும் போரில் வீரமரணம் அடையும் வீரனுக்கு எடுக்கப்படும் நடுகல் #யானைகுத்திப்பட்டான் நடுகல்
• 
  
• ~யானை மற்றும் வீரன் இடையில் நடக்கும் போரில் யார் மரணித்தாலும் நடப்படும் *யானைகுத்திப்பட்டான் நடுகல்.ஓசூர் தேர்பேட்டையில் உள்ளது.
• 
  
• ~புலியுடன் நடக்கும் சண்டையில் வீரமரணம் அடையும் வீரனுக்கு எடுக்கப்படும் நடுகல் #புலிக்குத்தி நடுகல்#உசிலம்பட்டி மேற்குத்தொடர்ச்சி மலையில்
• 8 அடி உயரமும் 4 அடி அகலமும் கொண்ட மிகப்பெரிய #புலிக்குத்தி நடுகல் கண்டெடுக்கப்பட்டுள்ளது.
• 
  
• ~கைகளில் வாளும் கேடயமும் அருகே மாடு‍ம் இருந்தால் #ஆநிரை_கவர்தல் நடுகல். ஆநிரை மீண்டலில் #வனவிலங்குகளுடன் சண்டையிட்டு‍ உயிர் நீத்த வீரனின் நடுகல்.
• 
  
• தென்னிந்தியாவின் பல இடங்களில் பல விவங்குகளுடன் போரிடும் நடுகற்கள் காணப்படுகிறது.
• 
  
• வடதமிழகத்தில் அதிகம் காணப்படுகிறது.
• 
  
• ~தமிழகத்தில் இதுவரை அடையாளம் காணப்பட்ட 4 #தூங்குதலை / தூக்கு தலை நடுகற்களில் #பள்ளூர் நடுகல், கிருஷ்ணகிரி மாவட்டம் பாகலூர் #குடிசெட்லு நடுகல்லும் ஒன்று.
• 
  
• ~நடுகல் போன்று முன்னோர் வழிப்பாட்டில் #மாசி மாத அமாவாசை #மயானக்கொள்ளை திருவிழா.
• 
  
• ~சோழர் மற்றும் விஜயநகர காலத்து தூங்குதலை, வீர மறவன், சதிகல் என மூன்று நடுகற்கள் #விண்ணமங்கலத்தில் கண்டெடுக்கப்பட்டுள்ளன.
• 
  
• ~வேலூர் மாவட்டம், #அம்பலூரில் கி. பி. 9 ஆம் நூற்றாண்டு நடுகல் பன்றியுடன் போரிட்டு இறந்த #நாய்களுக்காக நடப்பட்டுள்ளது..
• 
  
• ~அரவக்குறிச்சி , கரடிப்பட்டியில் 800 ஆண்டுகள் பழமை வாய்ந்த #குதிரைகுத்திப்பட்டான் நடுகல் கண்டெடுக்கப்பட்டுள்ளது.
• 
  
• நடுகல் வழிபடும் பண்பாட்டில் #இசை பெற்றிருந்த முக்கியத்துவத்தை காட்சிப்படுத்துகின்றது #நீலகிரி நடுகல்,பெண்ணேஸ்வரமணம் நடுகல்.
• 
  
• ~தூங்கு தலை வீரனின் ஆத்மா சிவலோகம் அடையும் காட்சியை விளக்கும் #தெள்ளார் நடுகல்.
• 
  
• ~அடுக்கு #நெடுநிலை நினைவு நடுகல் - குடிமங்கலம், திருப்பூர்.
• 
  
• 
  
• ~களப்பிரர் காலத்து வட்டெழுத்துக்களை கொண்டுள்ளது #எடுத்தவாய்நத்தம் நடுகல்.
• 
  
• ~தமிழகத்தில் #சிலம்ப வீரனுக்காக கிடைத்த நடுகற்கள் இடம் :தாமல்& தேவரகுந்தானி(கிருஷ்ணகிரி மாவட்டம்)
• 
  
• ~போர் களத்தில் எதிரிகளை எதிர்த்து நிற்பதைப் போன்று காட்சியளிக்கின்றது #அனுமந்தண்டலம் நடுகல்.
• இடம் : உத்திரமேரூர்
• 
  
• ~நடுகல் சுற்றி வட்ட வடிவில் கல் அடுக்கி அதனை "#வல்லாண்பதுக்கைக் கடவுள்" என்று அழைத்தனர்.
• 
  
• ~மழையில் கரைந்தும் வெயிலில் காய்ந்தும் போரில் இறந்த வீரனின் நினைவாக வைக்கப்பட்டம் பாவை, #வினையழி பாவை.
• 
  
• ~நடுகல் வழிப்பாட்டிற்கு முந்தையது #குத்துக்கல்.
• 
  
• ~நடுகல்லின் அமைப்பு மற்றும் வழிபாடு முறைகள் பற்றி #தொல்காப்பியம்" தெளிவாக எடுத்துரைக்கிறது.
• 
  
• ||காட்சி கால் கோள் நீர்ப்படை நடுகல் சீர்த்தகு மரபில் பெரும்படை வாழ்த்தலென்று இரு மூன்று மரபிற் கல்லொடு புணர!!
• 
  
• ~பெரும்பாலான நடுகல் கல்வெட்டுகள் #வட்டெழுத்துகளாகவே உள்ளன.
• 
  
• ~கழுமரம் ஏறிய அரசனின் நடுகல்லும் தமிழகத்தில் கண்டெடுக்கப்பட்டுள்ளது.
• 
  
• ~போர் செய்து வீரமரணம் அடைந்த பெண்களுக்கானது தேன்கனிக்கோட்டை #சந்தனப்பள்ளி நடுகல் .